اگەنتتىك توراعاسى اليك شپەكباەۆ پەن وبلىس اكىمى وڭداسىن ورازالين جىلىجايدا قىزاناق ءوسىرۋ جۇمىسىنىڭ بارىسىمەن تانىستى.
ەستەرىڭىزگە سالىپ وتسەك, گوللانديالىق ينۆەستوردىڭ بىرقاتار قيىندىققا توپ بولعاندىعى جايىندا ايتىلعان بولاتىن. نيدەرلاندتىق ينۆەستوردىڭ جىلىجاي كەشەنىنە ارنالعان جابدىقتاردى اكەلۋى بارىسىندا, مەملەكەتتىك كىرىستەرگە تيەسىلى كەدەن ورگانى جوسپاردان تىس تەكسەرۋ جۇرگىزىپ, ناتيجەسىندە, فيسكالدار «Green Capital Kazakhstan» جشس 353 ملن تەڭگە كولەمىندەگى باج سالىعىن ارتىق ەسەپتەگەن.
كاسىپورىن ماماندارى «Protecting business&investments» جوبالىق كەڭسەسىنە جۇگىنىپ, سىبايلاس جەمقورلىققا قارسى قىزمەتتىڭ ماسەلەگە ارالاسۋى بارىسىندا ايىپپۇل سالىعى تاستالعان.
«شەتەلدىك ينۆەستيتسيالار ءۇشىن وڭىرلىك باسەكەلەستىكتىڭ كۇشەيۋى كونتەكستىندە ەلدەگى پاراساتتى بيزنەس-ورتانى قالىپتاستىرۋدى ىنتالاندىرۋ قاجەت. بۇل باعىتتا «Protecting business&investments» جوبالىق كەڭسەسى جۇمىس جۇرگىزۋدە, ول قازاقستاننىڭ ورتالىق ازياداعى باسەكەلەستىك ارتىقشىلىقتارىن نىعايتۋعا بەلگىلى ءبىر ۇلەس قوسادى», - دەپ اتاپ ءوتتى اليك شپەكباەۆ.
